ديزني تعيد انتاج فيلم The Jungle Book بتكنولوجيا جديدة ومتطورة

2016-04-13

طفل يتيم عاش ‏في غابة‏ واتربي مع عائلة من الذئاب لحد ما بقى واحد منهم‎ ‎بياكل زيهم وبيتصرف نفس تصرفاتهم‏. الدب (بالو) علمه و قاله حكم عن الحياة والفهد (باجيرا) علمه ازاي يعيش في الغابة انتشر خبر بعودة نمر مشهور بأنه آكل للحوم وخصوصا لحم البشر فخاف الذئب وزوجته عليه وقراره انه لازم يرجع لقرية البشر وهتبدأ رحلتهم.

ديزني بتعيد انتاج الفيلم مرة تانية بتكنولوجيا متطورة والفيلم هيتعرض في السينما بتقنية الـ 3D هتشوف غابة كاملة من الحيوانات والنباتات والبحار وغيرها أقرب للحقيقية برغم ان كل التقرير بتأكد ان 99% من الفيلم من صنع الكمبيوتر، والشئ الوحيد الحقيقي هو ‏الطفل بطل الفيلم.

اول مرة انتج فيها الفيلم كانت سنة 1967، وهو اخر فيلم رسوم متحركة انتجه والت ديزني شخصيا قبل وفاته، وحقق وقتها 73 مليون دولار في اول اسبوع عرض ومن المتوقع أن يحقق نجاح اكبر السنة دي.

الفيلم إخراج جون فافرو صاحب أول جزئين من سلسلة افلام Iron Man، تأليف جاستين ‏ماركس، وقام بالأداء الصوتي سكارليت جوهانسون، إدريس إلبا، بيل موراي، بن كنجسلي، كريستوفر والكن.

الفيلم هيتم عرضه يوم 13 ابريل في كل قاعات ستارز سينما.