“بو“ أشجع وأخف باندا ممكن تشوفها في حياتك

2016-03-09

بو المرة دي هيكون في مواجهة قوية مع الوحش كاي، بس المهمة مش سهله لانه المرة دي مسؤول عن تدريب قرية كاملة من الباندا الصغيرين على الفنون القتالية. وطبعاً من المعروف عن الباندا الكسل واللامبالاة واكيد مش هتكون مستعدة للالتزام بالطريقة الصعبة اللي اتربى عليها بو.

في فيلم كونج فو باندا 3 هتتفرج على مواقف انسانية وكوميدية. والجديد والمشوق فعلاً في الجزء ده هو نشاط وشجاعة الباندا اللي هتظهر في وقت الضيق ودي الرسالة المهمه اللي بيحاول يوصلها مؤلف الفيلم "علشان تكون افضل اعرف قدراتك و حاول دايما تعمل حاجة مبتعرفش تعملها".

أبناء أنجلينا جولى بيشاركوها البطولة في فيلم Kung Fu Panda 3 وقالت في حوار تلفزيوني: "امتع حاجه في التجربة دي إني شايفاهم واخدين الموضوع بجد وبيبذلوا مجهود حقيقي وخايفين ميكونوش على المستوى المطلوب، وأنا دايماً بأقولهم لو فعلاً عايزين تكونوا ممثلين يبقى لازم تستحقوا ده مش شرط عشان أنا و أبوهم فنانين".